عجبي رباعيات صلاح جاهين

موضوع: عجبي رباعيات صلاح جاهين 2009-02-24, 11:43 pm

[b]
[b]دخل الشتا وقفل البيبان ع البـــيوت
وجعل شعاع الشمس خيط عنكبوت
وحاجات كتير بتموت في ليل الشــتا
لكن حاجات أكتر بترفض تمــــــوت
عجبي !!

عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!

نوح راح لحاله و الطوفان استمر
مركبنا تايهه لسه مش لاقيه بر
آه م الطوفان وآهين يا بر الأمان
إزاي تبان و الدنيا غرقانه شر
عجبي !!

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن

[b]في يوم صحيت شاعر براحة و صفا
الهم زال و الحزن راح و اختفي
خدني العجب و سألت روحي سؤال
أنا مت ؟ و لا وصلت للفلسفة
عجبي !!!
عجبي !!

وقفت بين شطين علي قنطــــــــــــــــــرة
الكدب فين و الصدق فيـــــــــــن يا تري
محتار ح اموت .. الحوت خرج لي وقالي
هو الكلام يتقــــــــــــاس بالمســـــــــــطرة
عجبي !!!

أنا كنت شئ و صبحت شئ ثم شــئ
شوف ربنا .. قادرعلي كل شـــــــئ
هز الشجر شواشيه ووشوشني قال :
لابد ما يموت شئ عشان يحيا شئ
عجبي !!

[/b][/b][/b]

أعرف عيون هي الجمال و الحسن
و اعرف عيون تاخد القلوب بالحضن
و عيون مخيفة و قاسية وعيون كتير
وباحس فيهم كلهم بالحزن
بجد الله راجل عبقرى
شكرا رونى

السلام عليكم ورحمة الله

انا شاب لكن عمرى الف عام
وحيد وبين ضلوعى زحام
خايف وخوفى منى انا
اخرس وقلبى مليان كلام
وعجبى

بجد جامدين جدا

وصلاح جاهين ده
راجل عبقرى

» الشوارع حواديت .......... جاهين
» حصريا : الحلقة الخامسة ( احمد ادم - صلاح عبدالله )
» حصريا : الحلقة الثالثة عشر ( صلاح عبدالله- احمد رزق )
» حصريا : الحلقة الواحد و العشرون (صلاح عبد الله & احمد السقا )