ما هي اعظم درجات القوة ؟ هي ان تعرف متى تستسلم ، يا سلام !!!!! اقولك تيجي ازاي ، اصل كل واحد فينا عايش بيكافح وبيحارب في الدنيا وكل ما تحصله حاجة الناس تقوله لازم تبقى جامد وناشف وتفوت في الحديد !!!! لازم تكون قوي وما فيش حاجة تاثر فيك ، احنا ما قولناش حاجة صحيح الانسان اللي بيستحمل ويكمل انسان قوي بس في مواقف الواحد بيشعر انه تعبان مش قادر يكمل عاوز يقعد مكانه وده طبعا من حقه ما هو احنا بشر برضه ده الالات اللي ماعندهاش احساس لو فضلت شغالة على طول ها تعطل تيجي انت وتقولي ان الانسان مش من حقه يتعب . علشان تكون قوي لازم تعرف امتى تطلب المساعدة وامتى ترفع ايدك وتقول انا تعبت وعايز اللي يساعدني لان ممكن تعبك وزهقك يوديك اماكن اللي يدخلها ما يخرجش منها ابدا !!!!! عارف زي واحد كان ماشي في الصحرا هو كان بيعمل ايه هناك انا مش عارفه!!!!! بس المهم انه كان ماشي وفجاة وقع في بحر رمال متحركة ، تعرف انت ان كل حركة بيعملها بتخلي الرمل يتحرك اكتر ويغرق اكتر ، هذا البائس ما لوش مخرج غير ان حد يجي ويشده مالهاش حل تاني . يبقى خليك تمام عايش قوي مش جبان بس لو وقعت يوم في بحر رمال ارفع ايدك وصرخ وقول الحقوني يا ناس انا غرقان وعايز حد يشدني لبر الامان
2009-03-27, 6:43 pm
